Познатиот француски хирург Филип Менаш, човекот кој го лекуваше Михаел Шумахер во болницата во Париз, првпат се огласи во јавноста во врска со медиумските натписи за неговата работа.

Медиумите пред неколку недели објавија дека Менаш на Шумахер испробал експериментална терапија.

-Не сум магионичар и не правам чуда. Мојот тим и јас не експериментираме, тој термин за нас не постои и не одговара со она што медицината навистина е. Се случи експлозија на внимание по медиумските натписи, но ситуацијата е нормализирана. Многу напредувавме во последните 20 години, но и натаму знаеме малку за стем ќелиите, вели докторот.

Легендарниот возач на Ф1 повеќе од пет години се опоравува од повредата на главата по скијање на Алпите.

Објавените информации за неговата здравствена состојба најчесто се претпоставки или детали изнесени од анонимни извори.

-Да, јас внимавам на него и ве уверувам дека е свесен, наводно изјавила медицинската сестра од париската болница.

Матилда Леонарди, една од водечките италијански експерти од областа на медицината го даде своето мислење.

-Не постои екпериментална терапија на матични ќелии која би имала позитивно влијание на пациенти во состојба на мининална свесност како кај Шумахер, изјавила таа.