Рускиот тенисер Данил Медведев ја освои титулата на АТП турнирот во Токио.
Тој во финалето го совлада јапонскиот тенисер Кеи Нишикори во два сета со 6:2, 6:4.
Медведев до титулата стигна по еден час и четири минути игра, а во ниту еден момент не му дозволи на противникот да ја загрози неговата победа.
За 22-годишниот руски тенисер ова е трета титула во кариерата, а триумфот во Токио ќе му донесе скок од десет позиции на АТП листата и од утре ќе биде на 22-то место.
