Ракометниот шампион на Македонија игра одлично во првото полувреме на гостувањето кај големиот фаворит Пари Сен Жермен. Избраниците на Александар Јовиќ играат егал против францускиот шампион и на пауза имаат негатива од (15-12).

Големиот фаворит тргна фуриозно. Реализираше во првите три напади и веднаш стигна до предност од 3-1. Битолчани возвратија со два гола во низа па успеаја во 5. минута да се вратат во егал 3-3.

Во следниот период се играше гол за гол, па по десет минути игра резултатот на семафорот изнесуваше 5-5. По неколку минути без погодок, пелистерци со погодокот на Жарко Пешевски во 13. минута за првпат стигнаа до водство на овој натпревар (5-6).

Во следниот период и двата тима играа многу слабо во фазата на напад, па по 21. минута резултатот се уште беше израмнет 9-9 откако за гостите погоди Борзаш по што следеше првиот тајм-аут за Раул Гонзалез. По тајмаутот како да се освестија домашните ракометари па со серија од 4-1 во 25. минута стигнаа до највисоките плус три (13-10).

До крајот на првиот дел домаќините успеаја да ја задржат предноста од три гола и на пауза да заминат со водство од 15-12. Тонесен со четири гола е прво име во таборот на ПСЖ, додека кај пелистерци пет постигна Урош Борзаш.