Социјалните мрежи особено групите на Комитите, навивачите на Вардар, како и лични профили на „црвено-црните“ фанови вријат по снимката што се појави вчера.
Имено, на групата Фанови на СД Вардар Скопје се појави видео како екс играчите на Металург, Мартин Томовски, Филип Кузмановски, Жарко Пешевски и Фили Талевски ја пејат химната на клубот од Автокоманда.
Секако во очи веднаш падна новото засилување на Вардар, Талевски кој качен на стол скандираше и ја пееше химната „Металург, ти си шампион“.
Ова беше доволно да добие голем број негативни коментари и критики од навивачите на Вардар кои тешко ќе му го заборават и простат ова во догледно време.
„Дали вредеше да му дадеме шанса за да си ја спаси кариерата (снимено денес, играч на Вардар ја пее химната на ривалскиот клуб)?“-напишаа вчера Комитите.
