Некогашниот тренер на скопски Вардар кој во моментот работи во Борац од Бања Лука, Веселин Вујовиќ би можел да седне на селекторското столче на ракометната репрезентација на Босна и Херцеговина, пренесуваат медиумите од оваа земја.
Досегашниот селектор Билал Шуман ќе биде разрешене од оваа позиција и ќе ја заземе улогата на координатор на сите селекции.
Веселин Вујовиќ сега е прв фаворит, откако претходно со оваа позиција се споменуваа имињата на уште еден поранешен селектор на Македонија, Ивица Обрван како и ракометната легенда Ирфан Смаилагиќ.
