Противпожарната служба на Грција рано утрово делумно го стави под контрола шумскиот пожар што избувна синоќа во местото Каристос во јужниот дел на грчкиот остров Евија, јави дописничката на МИА од Атина.
Час и половина по полноќ, од грчката противпожарна служба соопштија дека превентивно биле евакуирани жителите од куќите кои се наоѓаат во близина, иако не станува збор за густо населено место.
Во справувањето со огнените јазици, синоќа учествуваа 34 пожарникари со 17 возила, две пешадиски единици на противпожарната служба и четири цистерни со вода. (МИА)
