Над еден тон кокаин и 2 милиони евра се запленети во „Фамилија“, глобална операција против шверц на Балканот, соопшти Европол.
Криминалната мрежа е осомничена дека внела дрога во Европа од Јужна Америка во текот на оваа година и минатата со приватни авиони. Проценките се дека криминалците доставиле и хероин од Макао и Хонгконг со бродови.
Европол соопшти дека двајца клучни членови на мрежата се уапсени во Швајцарија и во Хрватска. Шеснаесет апсења се извршени во двете држави, како и во Чешка, Србија и во Хонгконг. Единаесет апсења се извршени во Европа, 5 во Азија.
При претрес во Хрватска, Чешка, Србија, Словенија и Швајцарија полицијата запленила не само кокаин, туку и два милиона евра, како и луксузни стоки вредни над милион евра.
Акцијата била координирана од Европол и Федералната управа на САД за контрола над наркотици (ДЕА).
Agencies from across the world teamed up to take down a Balkan organised criminal network suspected of large-scale cocaine trafficking from South America to Europe using private planes pic.twitter.com/12qEfJ16Z1
— Europol (@Europol) July 25, 2019