Скандалозниот напад на Оливера Лакиќ потврдува дека државата мора да ја сузбие арогантноста на криминалните структури, оценува лидерот на Демократската партија на социјалистите и нов претседател на Црна Гора, Мило Ѓукановиќ.
Тој додаде дека со нападот на новинарката нејзе и нанеле хирушки прецизна контролирана, но на некој друг кој е политичка мета, неконтролирана штета.
-И оние кои ладнокрвно ликвидираат луѓе на пладне во центарот на градот и оние кои креваат автомобили со свој противници во воздух, не размислувајќи за можни недолжни жртви, и против хероите од мракот кои пукаат со пиштол во нога на новинарка, за хирушки прецизно да и нанесат контролирана, но на некој друг кој е политичка мета, неконтролирана штета, наведува Ѓукановиќ.
Тој во интервју за Радио Даниловград, коментирајќи го нападот кон Лакиќ, рече дека случка е потврда за оцените кои ги изрекол во кампањата за претседателските избори.
-Значи, државата мора со одлучна и синхронизирана акција на безбедносните и правосудните органи, да ја сузбие очигледната арогантност на криминалните структури, изјави Ѓукановиќ.
Тој кажа дека нападот на новинар, во секоја правно уредена држава и демократско уредено друштво е напад на слободата на изразување и на демократија воопшто.
-Со тоа, тоа е напад и на она што е стратешка цел на Црна Гора, во догледно време да биде дел од слободното и развиеното европско друштво, оценува Ѓукановиќ.
Според неговите зборови, специфичноста на насилството врз новинарката е во што „начинот на неговото извршување јасно покажува дека не сакале да нанесат штета само на новинарката Лакиќ“.
-Со ова сакаше да се посее сомнеж и да нанесе морална и политичка штета на одредени јавни личности, делови од државниот систем, па и на самата држава Црна Гора, смета Ѓукановиќ.
Затоа како што наведе тој императив е во најкраток можен период да се открие кој тоа во Црна Гора се чувствува толку моќен, да може со вакви средства да нанесе штета на државата и да ја менува сликата која постои во меѓународното опкружување.