Аеродромот „Шипол“ во Амстердам утринава беше привремено затворен поради снемување електрична енергија, што ги попречи сите активности на еден од најпрометните аеродроми во Европа.
– Властите наложија затворање на патиштата до „Шипол“, а прекинат е и железничкиот сообраќај поради „безбедноста на патниците“, се наведува во соопштението од аеродромот.
Аеродромската зграда е преполна со патници, кои чекаат да се отворат терминалите.
Патиштата кон аеродромот се отворени по еден и пол час, откако дошла струјата.
– Во текот на целиот ден ќе има промени во авиосообраќајот, рече портпаролот на аеродромот.
По лондонскиот „Хитроу“ и парискиот „Шарл де Гол“, амстердамскиот „Шипол“ е на трето место во Европа по бројот на патници.
(Mиа)
