Средба меѓу американскиот претседател Џозеф Бајден и рускиот претседател Владимир Путин во моментов не е опција, изјави портпаролката на Белата куќа Џен Псаки.
– Сега сигурно не го планираме – рече Псаки и изјави дека деескалацијата на конфликтот е услов за одржување на таков самит, пренесува Глас на Америка.
Пред Русија да ги признае самопрогласените Доњецка Народна Република (ДНР) и Луганската Народна Република (ЛНР), францускиот претседател Емануел Макрон рече дека Путин и Бајден го прифатиле неговиот предлог за одржување на самит за Украина.
Американскиот државен секретар Ентони Блинкен ги откажа утрешниот состанок со рускиот министер за надворешни работи, Сергеј Лавров.