Патниците на американските авиокомпании кои одбиваат да носат заштитни маски, би можеле да бидат спречени да се качат во авионот, соопшти групата Airlines for America.

Исто така, дури и по влегувањето во авионот, стјуардите и стјуардесите имаат овластување да ги предупредат патниците да ги вратат маските на лице доколку ги отстранат за време на летот.

Меѓу авиокомпаниите кои ја спроведуваат оваа нова политика се Alaska Airlines, American Airlines, Delta Air Lines, Hawaiian Airlines, JetBlue Airways, Southwest Airlines и United Airlines, се вели во соопштението на Airlines for America.

Авиокомпаниите јасно ќе ги информираат патниците за нивните правила, а секој превозник ќе утврди соодветни последици за патниците што нема да ги почитуваат, вклучително и ставање на црни листи.

Новите ригорозни правила за носење заштитни маски се обврзувачки и за патниците и за екипажот во кабината, се вели во соопштението.