Чешката Влада соопшти дека од 15 јуни нејзините државјани ќе може да патуваат во 29 европски земји.

Владата наведува и дека државјани на 19 земји кои се сметаат за безбедни ќе може да влезат во Чешка без никакви рестриктивни мерки, додека државјаните на останатите 10 земји ќе мора да прикажат негативен тест на коронавирус.

Како што се наведува во соопштението, без тест во Чешка ќе може да влезат државјани на Австрија, Финска, Норвешка, Исланд, Германија, Швајцарија, Лихтејнштајн, Хрватска, Словенија, Грција, Полска, Унгарија, Словачка, Романија, Бугарија, Кипар, Естонија, Литванија и Летонија.

Државјаните на Данска, Ирска, Холандија, Белгија, Луксембург, Франција, Португалија, Шпанија, Андора и Италија ќе може да ја поминат чешката граница со покажување на негативен тест на коронавирус. Во спротивно ќе мора да одат во карантин, бидејќи овие земји се сметаат за ризични поради актуелната ситуација со коронавирусот.