Американското Федерално истражно биро ФБИ денеска соопшти дека не дошло до точен заклучок за тоа што ја предизвика големата експлозија во Бејрут на 4 август во која загинаа близу 200 лица, а причинета беше материјална штета од повеќе милијарди долари.
Други агенции на САД и земјите од ЕУ кои одблиску ја надгледуваат истрагата за експлозијата се уверени дека причината е несреќен случај, пренесува Ројтерс.
-Таков заклучок не е постигнат. Потребно е да се постават дополнителни прашања до либанските власти кои раководат со истрагата, истакнале од ФБИ во одговор до британската агенција.
Либанските власти информираат дека извештајот на ФБИ за експлозијата во понеделникот е доставен до либанскиот суд. ФБИ меѓутоа не сакале да ги коментираат наводите на медиумите од оваа земја, пишува Ројтерс.
Поврзани вести
ФБИ предупредува на зголемена закана од напади врз САД поради војната на Блискиот Исток
Американските разузнавачки агенции веруваат дека експлозијата во болницата била предизвикана од палестинска ракета која се распаднала по дефект на моторот, велат официјални лица
