22-годишната Бритни Никол Џефордс направила сообраќаен прекршок во Јужна Каролина, по што одбила да застане, па следувала вистинска филмска потера.
Полицијата објави видео снимка на која што може да се види брканицата по 22-годишната девојка која што на крајот резултираше со катастрофален судир.
Откако одбила да го сопре возилото, таа накратко попуштила пред барањата на полицијата на еден локален паркинг, каде што полицајците успеале да го уапсат нејзиниот сопатник.
Токму во тој момент, девојката „додаде гас“ и побегна. Сепак, не успеа во својата намера затоа што после судирот со полицискиот автомобил, нејзиниот џип се преврти неколку пати, а девојката буквално излета од возилото.
22-годишната Џефордс после инцидентот веднаш била пренесена во болница.
