Германија ја прогласи јужна Франција за регион со висок ризик поради ширење на коронавирусот, што значи дека патниците кои се враќаат од таа област ќе мора да имаат негативен тест, доказ за вакцинација или за прележан Ковид-19 со цел да избегнат карантин, соопшти Институтот „Роберт Кох“.
Германија, исто така, ја отстрани Холандија од листата на региони со висок ризик, соопшти институтот. Двете одлуки стапуваат во сила в недела.
Ако туристите или германските државјани кои се враќаат, доаѓаат од земја со висок ризик, тие прво мора да бидат ставени во карантин, кој може да биде прекинат со негативен тест по пет дена.
