Најмалку 13 деца загинаа при судар на училишно комбе и воз во северната индиска држава Утар Прадеш. Во несреќата повредени се осум деца, кои се хоспитализирани.
Инцидентот се случи утрово додека децата оделе на училиште.
Се уште е непозната причината за несреќата.
Тоа е втора несреќа со голем број жртви во Индија овој месец. Најмалку 24 деца загинаа и тројца возрасни откако училишен автобус падна во амбис во индиската држава Хималах Прадеш на 9 април.
