Неименуван американски претставник потврди дека тројцата највисоки воени функционери на Северна Кореја се сменети од своите позиции, јавува Ројтерс.
Зошто лидерот на Северна Кореја, Ким Џонг Ун ги смени своите највисоки воени функционери засега не е јасно, но аналитичарите сметаат дека овој потег ќе му овозможи да ја „стресе“ својата партија во клучните моменти во меѓународните односи и домашниот развој, пишува Ројтерс.
-Доколку Ким Џонг Ун сака да постигне мир со САД и Јужна Кореја и да се ослободи барем дел од нуклеарната програма, ќе мора влијанието на војската да го држи во „кутија“ и таму да го задржи, изјавил за Ројтерс директорот на Групата за меѓународни работи, Кен Газ.
Состанокот меѓу американскиот претседател Доналд Трамп и Ким е закажен за 12 јуни во Сингапур.
