Надзорниот комитет на Претставничкиот дом на американскиот Конгрес денеска објави дека отвора истрага за сомнителна вмешаност на Кина во неодамнешното хакирање на системите за е-пошта на американското Министерство за трговија и Стејт департментот.
Претседателот на Комитетот Џејмс Комер и шефовите на два поткомитети побараа од секретарката за трговија Џина Раимондо и од државниот секретар Ентони Блинкен да го информираат Конгресот до 9 август.
„Исто така, ние сме загрижени дека овој напад врз федералните агенции, вклучително и е-поштата на висок американски владин функционер како што сте вие, одразува ново ниво на вештина и софистицираност од страна на кинеските хакери“, се вели во пораката испратена од членовите на Конгресот до Џина Раимондо. (МИА)
