Руските ракетни напади во Харков погодија локација на енергетската инфраструктура, што предизвика прекини во снабдувањето со електрична енергија и вода во некои области на градот, изјави градоначалникот на Харков, Игор Терехов.
Над Харков се регистрирани три летови на проектили и „специјалистите и комуналните работници прават се што можат за да го вратат нормалниот живот во Харков“, напиша Терехов на Телеграм.
Регионалниот шеф на Харков, Олег Синегубов, исто така, ги потврди нападите.
„Непријателот го напаѓа Харков. Има експлозии во градот“, напиша тој на Телеграм.
Синегубов ги повика жителите на Харков да останат во засолништа затоа што се очекуваат уште напади.
