Новата американска амбасада, за која минатата недела претседателот Доналд Трамп кажа дека е прескапа и отворена на лоша локација, отворена е денеска во Лондон.
Амбасадата која се наоѓа во некогашната индустриска зона на југот на Лондон ќе ја замени амбасадата на Гросвенор плоштадот, која е продадена на инвестициски фонд на катарската влада и ќе биде претворена во хотел, пренесува АП.
Трамп минатата недела објави дека нема да присуствува на отворањето на новата амбасада, затоа што смета дека претставува лоша инвестиција, а за високите трошоци ја обвини администрацијата на својот претходник, Барак Обама.
Американските официјални лица кажаа дека изградбата на новата амбасада чинела милијарда долари и дека е платена од продажбата на имотот на американската влада во Лондон.
Новата зграда на амбасадата, која ја замени старата во центарот на Лондон, е во облика четириаголник и е најскапа зграда која САД некогаш ја изградиле.