Претседателката на Претставничкиот дом на САД ќе ги врати пратениците на работа да донесат закон со кој би се спречил директорот на поштата близок до Доналд Трамп да ги забави поштенските услуги преку организациски промени што ќе отежнат непречено одвивање на гласањето по пошта на претседателските избори.

Гласањето по пошта се очекува да има голема улога на претстојните претседателски избори во САД во ноември годинава, поради стравот на многу Американци да одат на гласање среде епидемијата на коронавирусот.

Проценувајќи дека големиот од одѕив на тој вид гласање ќе ги намали неговите шанси за нов мандат, сегашниот американски претседател Доналд Трамп упорно го напаѓа гласањето по пошта, тврдејќи, без никакви веродостојни аргументи, дека тоа ќе резултира со голема измама во изборите.

Експертите велат дека гласањето по пошта, што Трамп го користел и лично, е заштитено од манипулации.

Според анкетите на јавното мислење, Трамп заостанува зад демократскиот противник Џо Бајден.

Во писмото објавено во неделата, спикерот на Домот, Нанси Пелоси, го обвини претседателот Трамп за „саботирање на изборите“.

Писмото е откако УСПС, предводена од новиот директор Луис ДеЏој, богаташ познат како дарежлив донатор на кампањата на американскиот претседател Доналд Трамп, предупредува дека милиони гласачки ливчиња можеби нема да стигнат до изборните комисии навреме за да ги пребројат затоа што прописите околу изборите не се во согласност со процеурите на поштата на САД.

Критичарите го обвинуваат новиот шеф на УСПС за евентуално одложување на гласањето.

Во писмото, Пелоси го критикува планот на ДеЏој за реструктуирање на поштата, која „ќе ја врати поштенската услуга, ќе ги забави пратките и, според самата пошта на САД, се заканува дека ќе ги спречи Американците да гласаат по пошта на претстојните избори“.

„Животите, основните неопходности за живот и животот на американската демократија се загрозени од претседателот“, рече таа.

Во писмото, Пелоси објасни дека Претставничкиот дом ќе гласа за закон што ќе им забрани на УСПС да воведат промени во начинот на работа.

Пратениците би можеле да гласаат за закон со кој се забрануваат измените во услугите од 1 јануари 2020 година, но дека нема индиции дека Сенатот ќе се собере да го разгледа законот.

Демократите исто така бараат дополнително финансирање на поштата за цели за поштенско гласање, а Трамп најави дека тоа ќе го блокира, но подоцна се откажа.