САД нема да финансираат во обновувањето на Сирија додека силите и единиците, поддржани од Иран, не ја напуштат земјата засекогаш, предупреди американскиот државен секретар Мајк Помпео.
Тој истакна дека администрацијата на претседателот Доналд Трамп бара политичко и мирно решавање на конфликтот во Сирија, како и „повлекување од Сирија на иранските сили или пак оние кои се поддржани од Техеран“.
– Бевме јасни. Ако Сирија не гарантира целосно повлекување на силите поддржани од Иран, тогаш нема да добие ниту еден долар од САД за нејзино обновување, нагласи Помпео.
(Миа)
