Во близина на парламентот се собраа демонстранти, а полицијата во повеќе наврати употреби солзавец, пренесе BBC. Незадоволните граѓани се налутени од фактот дека тешката експлозија е предизвикана од небезбедно складираниот амониум нитрат на градското пристаниште. Многумина велат дека невниманието на владата довело до експлозијата. Неколку луѓе се повредени во протестот. Демонстрантите предизвикаа помали пожари и со камења ги гаѓаа припадниците на безбедносните сили, пренесе Guardian.
Протестите се одржаа откако либанската амбасадорка во Јордан соопшти дека ќе поднесе оставка, наведувајќи дека целосното невнимание на властите на земјата укажуваат на потреба за промена на лидерството. Во телевизиско обраќање амбасадорката изјави дека не може повеќе да ја толерира неспособноста на владата.
Ова е втора оставка на либански политичар од експлозијата. Инаку, либанската државна новинска агенција NNA пренесе дека 16 лица се приведени како дел од истрагата за експлозијата. Меѓу притворените е и главниот директор на пристаништето. Според судијата Фадиј Акики, претставник на владата на воениот суд, властите досега испитале повеќе од 18 вработени службеници во пристаништето и во царината, како и останати вклучени во работата на одржување на магацините, пренесе Reuters.
Вчера во посета на Либан беше францускиот претседател Емануел Макрон кој го посети Бејрут и изјави дека се потребни длабоки промени од власта. Тој повика на меѓународна истрага за катастрофата, пренесе BBC.
עימותים בין מפגינים לבין כוחות הביטחון בקרבת הפרלמנט בביירות. המפגינים מוחים על הפיצוץ בנמל והתנהלות הממשלה pic.twitter.com/XNJTTN24FS
— roi kais • רועי קייס (@kaisos1987) August 6, 2020
?Tensions au #Liban où la vague de protestation contre le gouvernement semble reprendre de plus belle après la #BeirutExplosion
Une manifestation à lieu à proximité du parlement à #Beyrouth, tensions en cours.#Lebanon #Libanon #Beirut #LebanonProtests #protest pic.twitter.com/EaWNIyqne7
— Peuple Révolté (@PeupleRevolte) August 6, 2020
