6-годишниот Рајкер од Флорида допрел еден болен лилјак и по неколку дена умрел. Лилјакот го пронашол во градината на семејната куќа, а иако родителите го предупредиле да не го допира, не ги послушал.
Родителите на малиот Рајкер знаеле дека му е страв од инјекции и не го одвеле во болница, туку само му ја измиле раната.
Седум дена подоцна на Рајкел му трнеле прстите, не можел да оди и почнал да халуцинира. Дури тогаш бил одведен на лечење, каде добил експериментална терапија, која досега им помогнала на две деца во САД и на уште 18 низ светот кои се нашле во истата ситуација, јавува “Daily Mail”.
За болничките трошоци кои семејството на Рајкер требало да ги плати се организирала и кампања на платформата “GoFundMe”.
Беснилото во повеќе случаи е опасно кога ќе почнат да се развиваат невролошки симптоми, а вакцините кои се добиваат по заразата можат да спасат живот.
Раните симптоми на болеста се температура, главоболка и слабост. Кога напредува може да се појават халуцинации и парализа, а заразените луѓе во главно умираат од беснило неколку дена откако ќе се појават тие симптоми.
Родителите ширум светот се во длабока тага, но и оправдан страв. Оваа трагедија за нив ќе биде поука за поголема внимателност и одговорност, како и да не се игнорираат симптомите.
