Ученичка од шесто одделение отвори оган во своето училиште во Ајдахо, на северозападот на САД и повреди три лица. Таа беше разоружана од страна на една наставничка.
Повредени се две деца и чувар во училиштето во градот Рагби.
Девојчето носело огнено оружје во ранецот. Точната возраст на детето не е соопштена, но во САД, шестоодделенците обично имаат 11-12 години. Напаѓачката е приведена, а ранетите се пренесени во болница и не се во животнозагрозувачка состојба.
Шерифот на округот Џеферсон Стив Андерсон рече дека девојчето извадило пиштол од ранецот и испукало повеќе истрели внатре и надвор од училиштето во Рагби.
Една наставничка го разоружала девојчето и ја држела сè додека полициските службеници не дошле и ја одвеле во притвор, но полицијата не даде повеќе детали, освен дека го испитуваат мотивот за нападот и каде девојчето го пронашло пиштолот.
Ученикот Јандел Родригез вели дека седел во училницата, не знаејќи што ќе се случи.
„Бевме на час со наставникот и решававме задачи, кога одеднаш се слушна истрел, а потоа уште два пати. Слушнав врисоци. Нашиот наставник излезе да види што се случува, виде крв, опиша Родригез.
Повредените ученици се во болница, а еден од нив бил погоден во два екстремитети.
![](https://kurir.mk/wp-content/uploads/2021/05/middleschool-700x394.jpg)
„Вистинско чудо е што не минале полошо, рече д-р Мајкл Лемон.
– На наставничката и беше укажана помош и пуштена е на домашно лекување, бидејќи куршумот поминал низ екстремитетот, додаде докторот.
Масовните пукања во САД се чести. Минатата година со огнено оружје беа убиени над 43.000 лица во земјата. Овој број вклучува и самоубиства со пукање, според веб-страницата „Архиви на огненострелно насилство“.
Here’s video from @RachelFabbi outside the school with parents and family members waiting to see their kids.
We will have more updates on our Noon show on @localnews8 from @RachelFabbi.https://t.co/gZTZ7REURd pic.twitter.com/CdmEFcsfiv
— Adrian Luevano (@a_luevano) May 6, 2021
Our @localnews8 reporter Linda Larsen talked to Rigby Middle School 6th grader Lucy about the shooting.
Lucy says she was scared and wanted to cry but she decided to help calm her other friends first during the situation. pic.twitter.com/G3Q5NHQx9t
— Adrian Luevano (@a_luevano) May 6, 2021