Во Германија за 24 часа потврдени се повеќе од 2.500 нови случаи на заразени со Ковид-19, со што вкупниот број надмина 15.000 луѓе, објавија синоќа германските медиуми.
Центар на епидемијата во Германија и понатаму е покраината Сееврна Рајна-Вестфалија со 4.971 инфицирани лица, а потоа следат Баден Виремберг и Баварија.
Во Германија од новиот коронавирус починаа 44 луѓе, а двајца германски државјани починаа во Египет.
Германската канцеларка и премиерите на германските покраини в недела ќе ја разгледуваат можноста за воведување на полициски час.
