Петтиот самит за Западен Балкан во рамките на Берлинскиот процес денеска се одржува во Лондон, а главни теми на дводневниот состанок ќе бидат унапредување на економската стабилност, безбедност и политичка соработка.

Берлинскиот процес е дипломатска иницијатива на германската канцеларка Ангела Меркел, чија цел е да поддржи мирна, стабилна и демократска иднина на Западен Балкан и унапредување на регионалната соработка и евроинтеграција на регионот.

Покрај премиерите на Македонија, Албанија, Србија, Црна Гора, Босна и Херцеговина и Косово, Велика Британија како домаќин на самитот ги повика и партнетите од Европска унија – Австрија, Хрватска, Франција, Германија, Италија, и Словенија. Повикана е и Бугарија, која беше домаќин на самитот ЕУ- Западен Балкан во мај во Софија, како и Полска, која ќе биде домаќин на Самитот Западен Балкан 2019.

На Самитот во Лондон првпат ќе учествува и Грција.