Милан синоќа беше поразен од Лацио на домашен терен и не успеа да се пласира во финалето од Купот, а денес доживеа уште еден удар.
Имено, Давиде Калабрија синоќа предвреме го заврши натпреварот со Лацио поради повреда, а денес му беше дијагностицирана фрактура на фубулата.
Првите извештани од Милано говорат дека на 22-годишниот десен бек ќе му бидат потребни најмалку два месеци да се рехабилитира.
Тоа значи дека сезоната е завршена за Калабрија, кој беше многу важен играч во тимот на Гатузо.