Четворица пратеници се повредени во тепачката во парламентот на Хонг Конг. Тепачката настанала меѓу провладините пратеници и опозициските демократи. Тие претходно се обидувале да формираат комитет во Собранието и се скарале. Еден од повредените пратеници кој бил турнат на земја за време на тепачката бил изваден на носила од просторијата. Тепачката во парламентот се случува во услови на тензии во хонг конг поради предложениот закон со кој ќе им се дозволи на притворените лица да бидат екстрадирани во Кина.