Кардиналот Анџело де Донатис, кој во име на папата Франциск управува со Римската бискупија, е заразен со коронавирус, соопшти Ватикан.
Кардиналот де Донатис е највисоко рангиран католички свештеник за кого се знае дека е позитивен на коронавирусот, пренесоа британските медиуми. Тој бил тестиран на вирусот бидејќи не се чуствувал добро и бил примен во болница .во Рим.
Неговите најблиски соработници од претпазливост заминаа во доброволен карантин.
Ватикан во саботата соопшти дека папата и неговите најблиски соработници не се позитивни на Ковид-19.
