Во Хонг Конг првпат од 5 март во последните 24 часа не е забележан ниту еден нов случај на Ковид-19, соопшти Центарот за здравствена заштита.
Бројот на инфицирани лица со новиот коронавирус во Хонг Конг изнесува 1.025, од кои четворица починале.
Центарот за здравствена заштита на Хонг Конг упати апел до граѓаните да одржуваат физичка дистанца и да избегнуваат социјални активности со цел да го намалат ризикот од зараза.
Исто така се апелира жителите да не патуваат надвор од Хонг Конг без потреба со оглед на тоа што ситуацијата со Ковид-19 во светот се уште е сериозна и понатаму се бележи раст на бројот на заразени.
