Пејачката Сања Цинцева – Барбика деновиве ја објави новата песна „Доказ“, која е на српски. Иако беше планирано да се сними видео, поради пандемијата, снимањето го одложи, па за рефренот изработи lyric видео.
„Почитувани пријатели и обожаватели, со вас ја споделувам мојата нова песна „Доказ“. Оваа тема подолг период е готова, но чекав соодветен момент за да направиме добар спот. Поради Ковид ситуацијата не се направи добра прилика за добар спот, па затоа решив во ова лошо време да ја промовирам без видео се со цел да ве расположам и да ви ги отргнам мислите од негативни работи. “, вели Сања на социјалните мрежи. Песната е од српските композитори Марко Дрежњак и Драган Стрелиќ.
