Голем пожар избувна во индиската фабрика на Институтот за серум (СИИ), кој е најголем производител на вакцини во светот, но пожарот нема да влијае на производството на вакцини за коронавирусот, пренесуваат индиските медиуми.
СИИ произведува вакцина направена од Универзитетот Оксфорд и „АстраЗенека“ за индискиот пазар и некои други земји, а компанијата исто така се подготвува да направи вакцина развиена од американската компанија „Новавакс“.
Пожарникарите од западно индискиот град Пуне, каде е седиштето на СИИ, изјавија дека на местото на несреќата се испратени пет противпожарни возила.
Засега нема извештаи за жртви или за причините за пожарот.
#WATCH Maharashtra: 10 fire tenders present at Serum Institute of India in Pune, where a fire broke out at Terminal 1 gate. More details awaited. https://t.co/wria89t22t pic.twitter.com/u960KTR7JS
— ANI (@ANI) January 21, 2021