Американецот Доминез Барнет повеќе не е член на кошарарскиот клуб и шампион МЗТ Скопје Аеродром, откако беше официјализиран раскин на договорот. Според информациите до раскин на договорот е дојден поради тоа што Барнет не ги оправда очекувањата на управата.
Барнет во Скопје допатува максимално неподготвен, поради што не даде придонес каков што се очекуваше, ниту на тренинзите, а уште помалку на средбите на кои настапи. Поради сето ова, МЗТ Скопје Аеродром ја искористи можноста од договорот за предвремен раскин на соработката и му се заблагодари на Барнет за досегашните услуги.