Калуѓерка од Франција го победи коронавирусот и покрај нејзината старост и проблемите со здравјето.
Сестрата Андре, родена како Лусил Рандон го победи вирусот неколку недели пред нејзиниот 117-ти роденден кој ќе го прослави утре, на 11-ти февруари.
Сестрата Андре се смета за најстара личност во Европа и вели оти не била свесна дека е инфицирана со коронавирусот.
Останала во карантин во својата соба во монашкото сестринство во манастирот Света Катерина во Тулон откако на тестот излегла позитивна на 16-ти минатиот месец.
Таа е слепа, се движи само во инвалидска количка, но коронавирусот го победи како да е обична настинка.