Британскиот премиер Борис Џонсон синоќа ја прими првата доза на вакцина против Ковид-19 на АстраЗенека и ги повика луѓето да го следат неговиот пример.
Педесет и шестгодишниот Џонсон беше вакциниран во истата болница каде минатата година беше на одделот за интензивна нега откако беше заразен со коронавирусот.
– Буквално не почувствував ништо. Беше многу добро, многу брзо, рече Џонсон по инјекцијата во лондонската болница Сент Томас.
– Кога секој од вас ќе биде известен да оди да се вакцинира, ве молам, одете и направете го тоа. Ова е најдоброто нешто за вас, најдоброто нешто за вашето семејство и сите други, рече тој.
Борис Џонсон беше вакциниран на денот кога европските земји ја продолжија употребата на вакцината АстраЗенека, откако регулаторот на лекови за ЕУ објави дека придобивките од вакцината ги надминуваат сите ризици.
I’ve just received my first Oxford/AstraZeneca vaccine dose.
Thank you to all of the incredible scientists, NHS staff and volunteers who helped make this happen.
Getting the jab is the best thing we can do to get back to the lives we miss so much.
Let’s get the jab done. pic.twitter.com/mQCTMAkB8d
— Boris Johnson (@BorisJohnson) March 19, 2021