Не стивнуваат реакциите по повод можното згаснување на Лигата на шампиони во формат познат на сите.
Меѓу останатите, по ова прашање се огласија премиерот на Велика Британија и францускиот претседател Емануел Макрон.
-Плановите во врска со Суперлигата ќе бидат многу штетни за фудбалот и навивачите. Тоа би било удар врз сржта на домашната лига. Вклучените клубови мора да се договорат со навивачите и широката заедница пред било какви понатамошни чекори, напиша Џонсон на Твитер.
Макрон, пак, најавува спречување на формирање на Суперлигата.
-Ќе ги разгледаме сите мерки кои ни се на располагање, како судски, така и спортски за да спречиме ова да се случи, вели Макрон.
Загриженост истакнала и Асоцијацијата на професионални фудбалери.
