Српскиот фудбалски шампион Црвена ѕвезда го продолжи договорот со шефот на стручниот штаб Дејан Станковиќ за уште три години, па соработката е продолжена до 2024 година.
Станковиќ како тренер работи во Ѕвезда од декември 2019 година, освои две титули шампион на Србија, имаше „европска пролет“, а за една недела може да го освои и Купот.
Од 63 меча, оствари 50 победи, и само четири порази.Од клубот објавија и дека по повод четвртата титула по ред, прославата на 22-ри мај ќе ја прават на река, на посебен брод кој ќе плови по реката Сава. Тоа се најавува како своевиден бал на вода, со визуелни ефекти, а навивачите ќе може да гледаат од брегот крај Сава.
