Популарната британска пејачка Дуа Липа ќе пее на големото финале во Лигата на шампионите што ќе се одржи на 26 мај во Киев.
Албанката Липа е со потекло од Косово и е родена во 1995-та година во Лондон, но никогаш не ги прекина своите односи со родното Косово, дури пееше и на прославата на непризнатата јужна српска покраина.
-Почестена сум што добив покана да настапувам на финалето во ЛШ. Тоа е прилика која се добива еднаш во животот. Не можам да дочекам да запеам пред навивачите и да бидам дел од тој спектакл, вели Липа.
Во финалето инаку ќе играат Реал Мадрид и Ливерпул, а мечот ќе го суди српскиот судија Милорад Мажиќ.