Министерството за внатрешни работи денеска излезе со информации за сообраќајната несреќа која вчера вечерта се случи на крстосницата кај Влада, а во која учесник е владино возило со кое во моментот се превезувале министерите за економија и финансии Крешник Бектеши и Фатмир Бесими.

Сообраќајната несреќа во полицијата била пријавена во 19:15 часот, а случена на крстосницата од бул.„Илинден“ и бул.„Св.Климент Охридски“.

-Во сообраќајната незгода учествувале патничко возило „шкода“, управувано од Ј.Б.(38) од Скопје, патничко возило „фиат“, управувано од Д.П.(45) од Скопје и патничко возило „киа“, управувано од А.Т.(36) од Скопје, сите со скопски регистарски ознаки. Во незгодата со повреди се здобиле Ј.Б. и сопатникот од патничкото возило „шкода“, Б.Љ.(35), констатирани во Комплексот клиники „Мајка Тереза“, информира МВР.

Извршен бил увид од увидна екипа од СВР Скопје.