Младата македонска фудбалска репрезентација денес го имаше својот собир за предизвиците во следната недела со пресметките со Србија и Фарските Острови во претпоследниот циклус од квалификации за Евро 2023 во Романија и Грузија.
Селекторот Драги Канатларовски прозиваше денеска и ги собра своите избраници, па во следните три дена ќе следи подготовката прво за пресметката со северниот сосед во Белград на стадионот на Вождовац, кој е еден од клучните мечеви, а потоа и со Фарските Острови идниот вторник во Скопје, кој ќе мора да се победи.