Во најавата за дуелот против Летонија во кој доживеаја пораз и ги искомплицираа шансите за пласман на Светското првенство, првиот човек на Федерацијата, Димос Дикудис објави дека е испратена жалба против Партизан.
Нашите јужни соседи се гневни на „црно-белите“ поради тоа што Јанис Папапетру не доби дозвола за настап, Анѓушиќ и Трифуновиќ играа за српската репрезентација против Велика Британија. Со оглед на тоа што Грција и Србија се директни ривали за пласман на Светското првенство, Грците не можат да го премолчат ова.
Грците беа во добра ситуација на почетокот од втората фаза од квалификациите, но поразите од Србија и Летонија ги ставија во незгодна позиција. Ако в понеделник загубат на гости кај Белгија, ќе стане уште попроблематично бидејќи без најдобрите играчи ќе мораат да бркаат победи во последните две кола.
