Во експлозија во хемиска фабрика во југозападниот дел на Кина загинаа 19 лица, а 12 се повредени, соопштија утрово локалните власти.
Експлозијата се случила синоќа во индустрискиот комплекс во градот Јибин во провинцијата Сечуан.
Повредените се во стабилна состојба и префрлени во болница. Се уште не е позната причината за експлозијата во фабриката на компанијата Хенгда.
Најголема експлозија во фабрика во Кина се случи во 2015 година во магацин за хемиски производи, при што настрадаа 165 лица.
МИА
