Франција го победи Мароко со 2:0 и влезе во финалето на Светското првенство. Таму во недела од 16 часот играат против Аргентина, а поразениот Мароко за третото место в сабота (16 часот) ќе се бори против Хрватска. Головите за Франција ги постигнаа Тео Ернандез во петтата и Рандал Коло Муани во 80. минута од натпреварот.

Посебно впечатлив потегот на Килијан Мбапе во 80. минута, фантастичниот француски напаѓач исфрли тројца противнички играчи и му сервираше на Муани, кој влезе во игра две минути порано. Муани немаше комплицирана работа по новата мајсторија на најдобриот француски репрезентативец.

И Мбапе беше фасцинантен со своето однесување по натпреварот. Тој му пријде на клупскиот соиграч и марокански ас Ахраф Хакими и го тешеше кога беше во депресија по поразот. Тој понуди размена на дресови, по што на прославата на своите соиграчи облечени во марокански дрес се приклучи и најдобриот играч на Франција и една од најголемите ѕвезди на Мундијалот. Овој потег ги воодушеви фудбалските фанови ширум светот, особено Мароканците.