Фудбалскиот клуб Милан го објави списокот на повикани фудбалери за настап во нокаут рундата во Лигата на шампионите. „Росонерите“ ги очекува двомеч со Тотенхем во осминафиналето.
Интересно, на него го нема Златан Ибрахимовиќ кој е во завршниот дел на заздравувањето од операцијата. Искусниот напаѓач се очекува да се врати на терените во текот на овој месец, меѓутоа тој ќе заигра само во Серија А, бидејќи поради технички причини не е за списокот за мечот со лондонскиот тим.
