Пејачката Светлана Цеца Ражнатовиќ во своето реално шоу „Цеца и деца“ раскажа за баксузот што и се случил пред големиот концерт во 2006 година.

Цеца на снимањето на емисијата скршила заб откако загризала праска.

– Пред секој голем концерт правиме интензивна кампања еден месец претходно. Се покажа дека е добра реклама во минатото. И сега, додека траеше кампањата за „Ушче 1“, додека се подготвував за шоуто, каснав праска и скршив два заба – изјави Цеца.

Целата екипа итно реагирала, за пејачката да не мора да го откажува гостувањето во една закажана емисија.

– Морам да одам на стоматолог, и во тој момент сите мои возачи отидоа некаде, бидејќи ми беше роденден, па беа некаде и организираа се. Навистина доживеав нервен слом, што ќе правам со скршен заб, а морам да се појавам. Се на се, стигнав – изјави Ражнатовиќка во своето реално шоу, каде со публиката споделува интимни моменти од својот живот.