Кошаркарите од НБА лигата во последно време често се наоѓаат на мета на полицијата и надлежните органи. Последен во низата е асот на Лос Анџелес Клиперси, Амир Кофи.
Имено, 26-годишникот се возел во автомобил кој полицијата го запрела поради преголема брзина. Ситуацијата продолжила со претрес, а во сопствеништво на Кофи било пронајдено скриено илегално оружје. Исто така, еден од сопатниците поседувал марихуана, па на крајот сите тројца завршија во притвор.
Ситуацијата доби разврска така што Кофи плати кауција за ослободување и веројатно нема да има проблеми со законот. Сепак, кошаркарот може да биде казнет од страна на НБА лигата која и претходно знаеше да суспендира за слични случки.
