Кошаркарот Џејмс Харден влегува во нова сапуница околу неговата иднина во најсилната лига во светот, НБА.
На почетокот на летото Хјустон Рокетс беше примарна дестинација за него, но оттогаш тие ги доведоа Фред ван Влит и Дилон Брукс.
Сепак, Харден и понатаму сака да ги напушти Сиксерс, а се вели дека неговиот однос со генералниот менаџер Дарел Мори е многу лош. Затоа Харден сега сака да биде трејдуван во Лос Анџелес Клиперс и во ниту еден друг тим како би играл заедно со Ленард и Џорџ.
Минатата сезона, Харден во дресот на Филаделфија имаше просек од 21 поен, 6,1 скок и 10,7 асистенции.