На 29.08.2023 08.30 часот во СВР Охрид било пријавено дека на магистралниот пат Охрид-Кичево, помеѓу с.Врбјани и с.Сливово, патничко моторно возило „форд“ со скопски регистарски ознаки, управувано од Б.М.(48) од с.Долно Свиларе, скопско, излетало од патот.
По несреќата, возачот Б.М. и двајца малолетни сопатници од истото село биле пренесени во Комплекс клиники „Мајка Тереза, а сопатниците Х.М.(44) и еден малолетник, двајцата од с.Долно Свиларе, биле пренесени во болницата „Св.Еразмо“ во Охрид.
Притоа, на Б.М., Х.М. и двајца од малолетниците им биле констатирани тешки телесни повреди, а на еден малолетник му биле констатирани телесни повреди.
Увид на местото на настанот извршила екипа од СВР Охрид.
