Една 33-годишна жена, нејзиниот 12-годишен син и 15-годишен внук биле убиени денеска во бугарскиот град Самоков.
Убиецот, 52-годишен маж, побегнал од местото на настанот, а откако полицијата му се приближила, се самоубил.
-Убиствата кои ја шокираа Бугарија биле извршени околу 13 часот и 45 минути, а се претпоставува дека мотивот е семејна расправија, јави новинската агенција БТА.
Бугарските медиуми објавуваат дека убиецот е сопругот на жената-жртва. Едното дете кое го убил му е син, а другото внук.